Meri zindagi kisi aur ki

Meri zindagi kisi aur ki, mere naam ka koi aur hai,
Mera aks hai sar-e-aaina, pase aayina koi aur hai,
Meri zindagi kisi aur ki mere naam ka koi aur hai..

Meri dhadkanon mein hai chaap si, ye judai bhi hai milap si,
Mujhe kya pata, mere dil bata, mere saath kya koi aur hai,
Meri zindagi kisi aur ki mere naam ka koi aur hai..

Na gaye dinon ko khabar meri, na shareeke haal nazar teri,
Tere desh mein, mere bhesh mein, koi aur tha, koi aur hai,
Meri zindagi kisi aur ki mere naam ka koi aur hai..

Wo meri taraf nigraan rahe, mera dhyaan jaane kahan rahe,
Meri aankh mein kai sooraten -2 mujhe chahta koi aur hai,
Meri zindagi kisi aur ki mere naam ka koi aur hai..

Mera aks hai sar-e-aaina, pase aayina koi aur hai,
Meri zindagi kisi aur ki mere naam ka koi aur hai..